لكل مين بيحب قراءة الخواطر باللبناني المحكي
بصرخ صرخة من القلب
عن شعب عمروا ما نحب
لا من جيرة ولا اخوان
وفوقا الطاغي زاد النهب
دور المعطي مثّلوا
ودور مواسي منيح لبسوا
وكل ضربة ورا ضربة
لهاللبناني لبّسوا
مش طالب هالشعب محبة
وما اختار هوي هالنكبة
بدوا الفارض نفسوا يفل
والجلاد عنّو يحل
مطلب اللبناني هيّن
يرجّع دولة دورا مبيّن
تحترم روح الانسان
وشعبا يرجع بالحسبان
يمكن انا بعينيكي حلم
تعلّئتي بها الدنيي فيه
بس انت يكون عندك علم
قلبي من جوّا بعطيه
تشوف البسمة بعيونك
وآخذ منك دمع جفونك
وتبقى دنياكي افراح
وما يبقى عندك في جراح
يتعبى قلبك سلام
وتتحقق كل الاحلام
تا شوفك انا من بعيد
وقلبي يفرح من جديد
مع كل التعب والهم
وتكبرتي مر منها سنين
بنظرة منك بنسى الغم
وبشعر بقلبي حنين
ليوم لحملوني ياكي
وصرتي بها الدنيي ملاكي
وشو معنى العيشة بلاكي
بيمشي العمر وخلفوا سنين