خواطر

عم نتفرج من بعيد
وهالوجع بالقلب يزيد
بس حتى لو قربنا
لبنان وجعوا عنيد

من بعيد الصورة اوضح
الزمن وقفلوا بشي بمطرح
هالايام عم بتمر 
والشعب عم يتجرح

جروح وراها جروح
اليوم وبوكرا عم بيروح
واللبناني بعدوا ناطر
يشوف الامل عم بيلوح 

شو عملت يا لبناني
هالوطن صار ضهروا حاني
من الويلات والكربات
صار وضعوا اللبناني فاني

لا في امل ولا في حلول
لا ضمير ولا مسؤول
الكل ترك هيدا الشعب
وحدوا يمشي عالمجهول

بالنهاية الله شايف
رجعلوا وقلو انك خايف
من هالحاضر واللي جايي
من زعما عملها زايف

وضعك يا لبناني صعب
وعا الله ما في شي صعب
سلم لربك كربك
وصلي يخلص فيلم الرعب

عجيبة من عندوا وحدا
تبدل هالايام السودا
وترجع راحة البال
هيدا يلي الناس بدا

ان بالشارع او بالبيت
هي قصة بريء الزيت 
ناس بتصرِّخ ياريت
بترجع ايام زمان

المعاش فلوسو كشِّت
وحسابات البنك نأَشِّت
وسموم هالسلطة نرشِّت
والشعب صفّا منهان

الاكل فجأة وجودو شح
والكهربا ماضي وصار بح
وشركات مصيرها النّح
وصار هالبلد غرقان

كيف من رجّع الامل
لشعب من زعما انخذل
ومن السلطة هوي انفشل
بس بعدوا فيهن ولهان؟

تبعية عالعميان 
لزعما نسيوا البنيان
كل اعمالن صارت ذل
موت وقهر طال الكل

لا في احترام للناس
ولا الهيئة باقي احساس
من بعد ما دمروا البلد
وسببوا موت لكبير وولد

طلعوا باتهامات الغير
بركي المسبب كان طير
او بركي شي ملحّم ولع
فجّر بلد وبِنا تشلّع

وهنّي السبب بالاساس
لا همن شعب ولا ناس
همّن يبقوا عالكراسي
ويكفوا اعمال الشراسي

لا بد ما يجي هالنهار
نقول الظالم ماضي صار
يسود الامن والسلام
وتتحقق كل الاحلا